2 de abril: Día do Autismo

As persoas con autismo (TEA) son persoas moi especiais, que entenden o mundo dunha maneira moi especial.

E para saber máis sobre este tema, que tanto nos interesa, realizamos un novo proxecto en clase: aprendemos a confecionar un horario de aula con pictogramas, un método de comunicación propio das persoas con autismo ou das persoas con dificultades na linguaxe.

Tivemos que deseñar debuxos que representaran as diferentes materias e plasmalas nun horario de goma eva. Quedou precioso!

Para celebrar o propio día da concienciación do autismo, pintamos corazóns azuis nas nosas caras (coa axuda dunha pataca) e nas nosas libretas. Mesmo representamos un gran corazón no patio do cole.

Foi unha actividade emocionante e comprendemos un pouquiño máis a diversidade funcional.